واشنگٹن(ایچ آراین ڈبلیو) فلسطینی تنظیم حماس کے غیرمسلح ہونے سے انکار کے بعد امیر قطر شیخ تمیم بن حمد الثانی نے سابق امریکی صدر ڈونلڈ ٹرمپ سے ٹیلی فونک رابطہ کیا ہے۔
اطلاعات کے مطابق دونوں رہنماؤں نے غزہ میں جاری جنگ بندی کے منصوبے پر اہم بات چیت کی۔ وائٹ ہاؤس کی ترجمان کیرولین لیوٹ نے اس بات چیت کی تفصیلات شیئر کرنے سے انکار کرتے ہوئے کہا کہ “یہ بات چیت حساس نوعیت کی ہے اور اسے عوامی سطح پر شیئر نہیں کیا جا سکتا۔”
یہ رابطہ ایسے وقت میں ہوا ہے جب حماس نے غزہ میں جنگ بندی کے لیے امن مذاکرات کے دوران اپنے غیرمسلح ہونے سے واضح انکار کر دیا ہے، جس نے خطے میں امن کے عمل میں نئی رکاوٹیں کھڑی کر دی ہیں۔
قابل ذکر ہے کہ قطر اسرائیل اور حماس کے درمیان ثالثی کے اہم کردار کے باعث اس بحران میں کلیدی حیثیت رکھتا ہے، جبکہ صدر ٹرمپ نے بھی خطے میں امن عمل میں دلچسپی کا اظہار کیا ہے۔
