باجوڑ(ایچ آراین ڈبلیو) ضلع باجوڑ کے علاقے لغڑئی میں دہشتگردوں کے چھوڑے گئے بارودی مواد کے پھٹنے سے انتہائی افسوسناک واقعہ پیش آیا ہے، جس میں تین معصوم بچے شہید ہو گئے ہیں جبکہ پانچ دیگر زخمی ہوئے ہیں۔
عالمی میڈیا رپورٹس کے مطابق یہ سانحہ اس وقت پیش آیا جب مقامی بچے گاؤں کے قریب پڑے ایک مشتبہ بارودی مواد سے کھیل رہے تھے۔ دہشتگرد گروہوں کے چھوڑے گئے اس مواد کے اچانک پھٹنے سے فوری طور پر تین بچوں کی موت واقع ہو گئی، جبکہ زخمیوں کو قریبی طبی مرکز پر منتقل کیا گیا ہے۔
یہ واقعہ علاقے میں دہشتگردوں کی طرف سے چھوڑے گئے غیر پھٹے بارودی مواد کے سنگین خطرے کو واضح کرتا ہے، جو خاص طور پر معصوم بچوں کی جانوں کے لیے مسلسل خطرہ بنے ہوئے ہیں۔
