کراچی(ایچ آراین ڈبلیو)جامعہ کراچی نے اسلام آباد ہائیکورٹ کے جج جسٹس طارق محمود جہانگیری کی ایل ایل بی ڈگری فوری طور پر منسوخ کر دی ہے اور ان پر تین سال کے لیے جامعہ میں داخلے اور امتحانات دینے پر پابندی عائد کر دی گئی ہے۔
ڈگری منسوخ کرنے کی وجوہات:
جامعہ کے فیئر مینز کمیٹی کے فیصلے کے مطابق، “غیر منصفانہ ذرائع استعمال کرنے” کی وجہ سے یہ ڈگری منسوخ کی گئی ہے۔ جامعہ کی جانب سے جاری اعلامیے میں کہا گیا ہے کہ “طارق محمود کبھی بھی اسلامیہ لا کالج کراچی کے طالب علم نہیں تھے”۔
انرولمنٹ نمبر منسوخ:
نوٹیفکیشن میں واضح کیا گیا کہ ان کا انرولمنٹ نمبر 7124/87 منسوخ کر دیا گیا ہے۔ یہ فیصلہ جامعہ کے قواعد و ضوابط کی خلاف ورزی پر مبنی ہے۔
پابندیوں کی تفصیل:
فیئر مینز کمیٹی نے طارق محمود پر تین سال کے لیے جامعہ کراچی میں داخلے اور تمام امتحانات پر پابندی عائد کی ہے۔ یہ فیصلہ تعلیمی سالمیت کو یقینی بنانے کے لیے ایک اہم اقدام سمجھا جا رہا ہے۔
یہ اقدام جامعہ کراچی کی جانب سے تعلیمی معیارات کو برقرار رکھنے کے عزم کا مظہر ہے اور اس سے ملک بھر میں تعلیمی اداروں میں شفافیت کے پیغام کو تقویت ملتی ہے۔
