مکہ المکرمہ(ایچ آراین ڈبلیو)سعودی عرب کے گرینڈ مفتی شیخ عبدالعزیز بن عبداللہ آل الشیخ کے انتقال کے بعد، ان کے جانشین کے طور پر امام کعبہ شیخ ڈاکٹر صالح بن حمید کو ملک کا نیا مفتی اعظم مقرر کر دیا گیا ہے۔
شاہی اعلامیے کے مطابق:
شیخ صالح بن حمید 1949 میں بریدہ شہر میں پیدا ہوئے۔
انہوں نے مکہ کی اسلامی یونیورسٹی سے فقہ میں ڈگری حاصل کی۔
وہ 2002 سے 2009 تک سعودی مجلس شوریٰ کے اسپیکر کے عہدے پر بھی فرائض انجام دے چکے ہیں۔
یہ تقرری دیوان شاہی کے اس اعلان کے بعد عمل میں آئی ہے جس میں منگل کی صبح سابق مفتی اعظم شیخ عبدالعزیز بن عبداللہ آل الشیخ کی وفات کی خبر دی گئی تھی۔ شیخ صالح بن حمید کا تعلق سعودی عرب کے علمی اور دینی حلقوں میں ایک ممتاز خاندان سے ہے، اور ان کی تقرری سے ملک کے مذہبی عہدے پر ایک ایسی شخصیت فائز ہوئی ہے جو مسجد الحرام کی امامت کے علاوہ قانون سازی اور انتظامی امور میں بھی تجربہ رکھتی ہیں۔
