جام شورو (ایچ آراین ڈبلیو): پہاڑی نالوں سے اچانک آنے والے برساتی ریلوں نے تحصیل بولاخان کے کئی علاقوں میں تباہی مچا دی ہے۔ دریائے سندھ کے قریب واقع شہر جام شورو کے متعدد علاقے زیر آب آگئے ہیں، جس کے باعث ہزاروں افراد بے گھر ہو گئے ہیں۔
سیلاب نے شہری زندگی کو مفلوج کر دیا ہے۔ بجلی اور گیس کی سپلائی معطل ہونے سے عوام مشکلات کا شکار ہیں، جبکہ لوگوں کا قیمتی سامان پانی میں بہہ گیا ہے۔ ندی نالوں میں طغیانی کے باعث علاقہ مکینوں کا نقل مکانی کا سلسلہ جاری ہے۔
ادھر نوشہرو فیروز کے علاقے کمال ڈیرو میں دریائے سندھ میں ڈوبنے والی کشتی میں سوار 5 افراد کو فوری ریسکیو کر لیا گیا۔ صوبائی ڈیزاسٹر مینجمنٹ اتھارٹی نے گڈو بیراج پر 14-15 ستمبر کے دوران اونچے درجے کے سیلاب کا الرٹ جاری کیا ہے۔
سکھر بیراج پر آنے والے دنوں میں سیلاب کے پیش نظر 13 ہزار سے زائد افراد کو محفوظ مقامات پر منتقل کیا جا چکا ہے۔ محکمہ موسمیات کے مطابق صورتحال ابھی تشویشناک ہے۔
———————————————
ایچ آراین ڈبلیو کی اپیل:
ہم عوام تک غیر جانبدار اور سچی خبریں پہنچانے کے لیے پرعزم ہیں۔ اگر آپ بھی معیاری صحافت کو فروغ دینا چاہتے ہیں، تو براہ کرم ہمارے ساتھ جڑیں۔ آپ کا عطیہ ہمیں حقائق کی روشنی پھیلانے میں مدد دے گا۔
سچائی کی تحریک میں شامل ہوں۔ عطیہ دیں۔
ویب سائٹ: hrnww.com/donate
