کراچی(ایچ آراین ڈبلیو)امریکی محکمہ خارجہ نے خطرے کی اطلاع موصول ہونے پر امریکی سرکاری اہلکاروں کے دوروں کو عارضی طور پر محدود کردیا۔
امریکی محکمہ خارجہ کی جانب سے جاری سکیورٹی الرٹ میں کہا گیا ہے کہ امریکی قونصل خانہ کراچی کو شہر کے اعلیٰ درجے کے ہوٹلوں کے خلاف ایک ممکنہ خطرے کی رپورٹ موصول ہوئی ہے۔
الرٹ کے تحت امریکی قونصل خانہ کراچی نے ان ہوٹلوں میں سرکاری امریکی اہلکاروں کی سرگرمیوں ( دوروں اور محفلوں) کو عارضی طور پر محدود کر دیا ہے۔
محکمہ خارجہ کا بتانا ہے کہ بعض اوقات خطرے کی اطلاعات موصول ہونے پر غیر ممالک میں بھی سیاحتی مقامات، ہوٹل، بازار، شاپنگ مال اور ریسٹورینٹس کو امریکی سرکاری اہلکاروں کے لیے ممنوع قرار دے دیا جاتا ہے۔
