کراچی(ایچ آراین ڈبلیو)سندھ فوڈ اتھارٹی اور کراچی یونیورسٹی کی مشترکہ لیبارٹری میں چائے کے نمونوں کا تجزیہ مکمل ہوگیا-سندھ فوڈ اتھارٹی نے چائے میں ملاوٹ پر 50 دکانوں کو 15 لاکھ روپے جرمانہ کردیا -چائے کے بڑے ڈیلرز کے خلاف کارروائی کے لیے عدالت سے رجوع کر لیا گیا-ملاوٹ میں ملوث اہم کرداروں کو سزا دلوانے کے لیے قانونی راستہ اختیار کیا گیا ہے-سندھ فوڈ اتھارٹی نے مئی میں چائے میں ملاوٹ کے خلاف مہم میں شہر سے 110 چائے کے نمونے حاصل کئے تھے-
ملاوٹ برداشت نہیں کی جائے گی، سخت قانونی کارروائی کی جائے گی-شہریوں کو محفوظ اور معیاری خوراک کی فراہمی حکومت سندھ کی اولین ترجیح ہے-فوڈ اتھارٹی کی نشاندہی پر مصنوعی رنگ اور پولی فینولز جیسے مضر کیمیکلز کا انکشاف ہوا ہے-چائے اور دودھ میں ملاوٹ کرنے والے عناصر قانون کی گرفت میں آئیں گے-
