کراچی(ایچ آراین ڈبلیو)وزیراعلیٰ سندھ سید مراد علی شاہ سے یو ایس ایڈ کی مشن ڈائریکٹر ویرایا کیٹ سومونگسری کی الوداعی ملاقات-صوبائی وزیرمنصوبہ بندی و ترقیات ناصر حسین شاہ، چیئرمین پی اینڈ ڈی نجم شاہ اور سیکریٹری ٹو سی ایم زمان ناریجو ملاقات میں شریک ہوئے-یو ایس ایڈ کی ڈائریکٹر کے ہمراہ امریکی قونصل جنرل اسکاٹ اربم بھی ملاقات میں موجودتھے-
وزیراعلیٰ مراد علی شاہ نے ویرایا کیٹ سومونگسری کی پاکستان بالخصوص سندھ میں کی گئی خدمات کو سراہا-ملاقات میں یو ایس ایڈ اور سندھ حکومت کے اشتراک سے جاری مختلف پروگرامز پر تبادلہ خیال کیا گیا-میٹرنل اینڈ چائلڈ ہیلتھ انٹیگریٹڈ پروگرام (MCHIP) پر بھی تفصیلی گفتگو ہوئی-
سندھ حکومت اس منصوبے میں اپنے حصے کے فنڈز خرچ کر رہی ہے-میٹرنل اینڈ چائلڈ ہیلتھ انٹیگریٹڈ پروگرام 15 اضلاع میں جاری ہے-اس پروگرام کی بدولت زچہ و بچہ کی اموات کی شرح میں نمایاں کمی آئی ہے-ورلڈ بینک کے تعاون سے صاف پانی، صفائی اور حفظان صحت کے ایک نئے منصوبے کا آغاز کیا جا رہا ہے-
سیلاب سے متاثرہ علاقوں میں اس منصوبے سے متاثرین کی بحالی مزید بہتر ہو جائے گی-ڈائریکٹر ویرایا کیٹ سومونگسری نے سندھ میں کام کرنے کے دوران حکومت سندھ کے تعاون پر وزیراعلیٰ کا شکریہ ادا کیا-
