کراچی(ایچ آراین ڈبلیو)بروز بدھ 04 جون 2025 کو وزیر داخلہ سندھ ضیاءالحسن لنجار نے کراچی پولیس آفس کا دورہ کیا-اس موقع پر آئی جی سندھ سر غلام نبی میمن صاحب بھی انکے ہمراہ تھے-انکی آمد پر ایڈیشنل آئی جی کراچی سر جاوید عالم اوڈہو صاحب و دیگر سینئر پولیس افسران نے خوش آمدید میں استقبال کیا-کراچی پولیس کے چاک و چوبند دستے نے انھیں گارڈ آف آنر پیش کیا-
وزیر داخلہ سندھ نے کے پی او میں ڈی ایس پی سے ایس پی کے عہدوں پر ترقی کے حوالے سے منعقدہ تقریب میں بطور مہمان خصوصی شرکت کی-15 ڈی ایس پیز کو اگلے عہدے پر ترقی دیتے ہوئے ایس پیز کے رینگ لگائے گئے-وزیر داخلہ سندھ اور آئی جی سندھ نے مشترکہ طور پر ایس پیز کے شولڈر پر ترقی کے رینک/بیجز لگائے-
اس موقع پر ترقی پانیوالے ایس پیز کو مبارکباد دی اور نیک خواہشات کا اظہار کیا۔ایس پیز رینک پر ترقی پانیوالے جملہ افسران کی خوشی دیدنی تھی-آپ کو اپنی زمہ داریوں اور فرائض کا بخوبی اداراک ہے۔وزیر داخلہ سندھ نے کہا کہ محکمانہ ترقی کے میکنزم کو مذید بہتر اور مؤثر بنائیں،آئی جی سندھ کو ہدایات بھی کیں-
میکنزم کو مذید بہتر کرنیکا مقصد ترقی کے عمل کو فاسٹ ٹریک پر لانا ہے-آپ کو اپنے تجربے اور مہارت کی بدولت جرائم اور جرائم پیشہ گروہوں کو شکست سے دوچار کریں-مجھے اپنے افسران اور جوانوں پر بھرپور اعتماد ہیکہ وہ جرائم کا جڑ سے خاتمہ کرینگے-سندھ پولیس کی حکومت سندھ بھرپور سپورٹ کرتی ہے اور کرتی رہیگی-
آپ کو اپنی ذمہ داریوں کا بخوبی ادراک ہے اب یہ آپ پر منحصر ہیکہ اپنے تجربے اور مہارت کی بنیاد پر جرائم کیخلاف کس طرح اپنا لوہا منوائیں گے-آپ کا عزم آپکا مقصد صرف اور صرف آئین اور قانون کی پاسداری کرنا اور اپنے عمل سے خدمت انسانیت کو یقینی بنانا ہے-
فیلڈ میں آپ لوگوں کی کامیابی کا دار و مدار محنت لگن اور فرائض کی مؤثر انجام دہی پر ہے-آپکا سروس کیریئر اور تجربہ آپ سے مسلسل جدوجہد اور جرائم کے خلاف ڈٹ جانیکا متقاضی ہے۔
