کراچی(ایچ آراین ڈبلیو) انصاف لائرز فورم کراچی کے رہنما اور معروف قانون دان ایڈووکیٹ حسنین علی چوہان نے شہر قائد میں جاری بجلی کے بدترین بحران اور طویل لوڈشیڈنگ پر شدید غم و غصے کا اظہار کیا ہے۔ انہوں نے اسے بنیادی انسانی حقوق کی سنگین خلاف ورزی قرار دیتے ہوئے حکومت سے فوری نوٹس لینے کا مطالبہ کیا ہے۔
شہریوں کی زندگی اجیرن
ایڈووکیٹ حسنین علی چوہان نے ایک پریس ریلیز میں کہا کہ شدید گرمی کے موسم میں کراچی کے مختلف علاقوں، بشمول سرجانی ٹاؤن، بلدیہ، لیاری، کورنگی، لیاقت آباد اور گلبرگ میں 18، 18 گھنٹے کی لوڈشیڈنگ کی جا رہی ہے، جس نے عوام کی زندگی اجیرن بنا دی ہے۔ انہوں نے واضح کیا کہ بجلی کی عدم دستیابی سے نہ صرف بزرگ، خواتین اور بچے اذیت کا شکار ہیں بلکہ کاروباری سرگرمیاں بھی مفلوج ہو کر رہ گئی ہیں۔
کے الیکٹرک کی نااہلی پر تنقید
انہوں نے کے الیکٹرک کو کڑی تنقید کا نشانہ بناتے ہوئے کہا:
شہر میں 500 میگاواٹ سے زائد بجلی کی کمی کمپنی کی نااہلی کا منہ بولتا ثبوت ہے۔
پیداوار اور ترسیل میں ناکامی کے باعث عوام کو سزا دی جا رہی ہے۔
وفاقی اور صوبائی حکومتیں فوری طور پر مداخلت کر کے غیر اعلانیہ لوڈشیڈنگ کا سلسلہ بند کروائیں۔
قانونی و عوامی احتجاج کا انتباہ
ایڈووکیٹ حسنین علی چوہان نے خبردار کیا کہ اگر بجلی کا بحران فوری طور پر حل نہ کیا گیا اور شہریوں کو ریلیف فراہم نہ ہوا تو انصاف لائرز فورم خاموش نہیں بیٹھے گا۔ انہوں نے اعلان کیا کہ اس ناانصافی کے خلاف بھرپور قانونی چارہ جوئی اور عوامی احتجاج کا حق محفوظ رکھا جاتا ہے۔
انسانی حقوق کی آواز بنیں!
ہیومن رائٹس نیوز ورلڈ وائیڈ (HRNWW) کی کوششوں کو سپورٹ کرنے اور دنیا بھر میں انسانی حقوق کے تحفظ کے لیے ہمارا ساتھ دیں۔ مزید معلومات اور سپورٹ کے لیے درج ذیل لنک پر وزٹ کریں:
سپورٹ لنک: HRNWW Support Page
