اسلام آباد/کراچی(ایچ آراین ڈبلیو)سینیٹر روبینہ خالد، چیئرپرسن بینظیر انکم سپورٹ پروگرام (BISP)، اور بریگیڈیئر (ر) طارق قادِر لکھیر، چیف ایگزیکٹو آفیسر سندھ انٹیگریٹڈ ایمرجنسی ہیلتھ سروسز کے درمیان ایک اہم ملاقات منعقد ہوئی۔
ملاقات کے دوران بریگیڈیئر (ر) طارق قادِر لکھیر نے ادارے کا تفصیلی تعارفی پریزنٹیشن پیش کیا، جس میں تنظیمی ڈھانچے، آپریشنل نظام اور سندھ بھر میں ہنگامی طبی خدمات کی فراہمی کے اقدامات پر جامع بریفنگ دی گئی۔
دونوں فریقین نے باہمی دلچسپی کے امور پر تعمیری تبادلۂ خیال کیا، خصوصاً پسماندہ اور کمزور طبقات کے لیے خدمات کی بہتری، سماجی تحفظ اور ہنگامی طبی سہولیات کے باہمی ربط کو مضبوط بنانے کے ممکنہ مواقع پر غور کیا گیا۔
ملاقات کے اختتام پر اس عزم کا اظہار کیا گیا کہ عوامی فلاح و بہبود کے لیے ادارہ جاتی صلاحیتوں کو بروئے کار لاتے ہوئے باہمی تعاون، ہم آہنگی اور شراکت داری کو مزید مؤثر بنایا جائے گا۔
