حیدرآباد(ایچ آراین ڈبلیو)سندھ کے سینئر وزیر شرجیل انعام میمن کی جانب سے ٹنڈو الہیار اور حیدرآباد کے عوام کے لیے خوشخبری-ٹنڈو الہیار سے حیدرآباد کے درمیان پیپلز بس سروس کا باقاعدہ آغاز 22 اپریل سے کیا جا رہا ہے، شرجیل انعام میمن کا اعلان-شکارپور، سکھر کے بعد دوسرے مرحلے میں ٹنڈو الہیار اور حیدرآباد کے درمیان پیپلز بس سروس شروع کی جا رہی ہے-
منصوبے سے دونوں شہروں کے درمیان سفر کرنے والے شہریوں کو بڑی سہولت میسر آئے گی اور روزمرہ آمد و رفت میں آسانی پیدا ہوگی-حکومت سندھ کا مقصد جدید ٹرانسپورٹ نظام کو مرحلہ وار صوبے کے دیگر اضلاع تک بھی توسیع دینا ہے-
جلد ہی مزید شہروں میں بھی اس سروس کا آغاز کیا جائے گا-پیپلز بس سروس نہ صرف آرام دہ سفری سہولت فراہم کرے گی بلکہ جدید تقاضوں کے مطابق محفوظ اور باوقار سفر کو بھی یقینی بنائے گی-حکومت سندھ عوام کو معیاری، محفوظ اور سستی سفری سہولیات فراہم کرنے کے لیے عملی اقدامات کر رہی ہے-
