وزیراعلیٰ سندھ سید مراد علی شاہ کل کراچی میں پولیو کے خاتمے کی مہم کا افتتاح کریں گے

**کراچی (ایچ آراین ڈبلیو):** وزیراعلیٰ سندھ سید مراد علی شاہ کل بروز پیر، 13 اپریل 2026ء کو صوبے بھر میں پولیو کے خاتمے کی خصوصی مہم کا باقاعدہ افتتاح کریں گے۔ افتتاحی تقریب صبح 11:00 بجے ای سی کے، گورنمنٹ بوائز سیکنڈری اسکول، خیابانِ شجاعت، ڈی ایچ اے فیز 2، جنوبی کراچی میں منعقد ہوگی، جس میں محکمہ صحت کے اعلیٰ حکام اور عالمی اداروں کے نمائندے بھی شرکت کریں گے۔ اس مہم کا مقصد صوبے کے تمام بچوں کو پولیو سے بچاؤ کے قطرے پلا کر اس موذی مرض کا مکمل خاتمہ یقینی بنانا ہے۔ وزیراعلیٰ سندھ اس موقع پر والدین سے اپیل کریں گے کہ وہ اپنے بچوں کے بہتر مستقبل کے لیے پولیو ٹیموں سے بھرپور تعاون کریں تاکہ سندھ کو پولیو سے پاک کیا جا سکے۔ سندھ حکومت نے مہم کی کامیابی کے لیے سکیورٹی اور لاجسٹک کے تمام انتظامات مکمل کر لیے ہیں اور تمام ضلعی انتظامیہ کو ہائی الرٹ رہنے کی ہدایت جاری کی گئی ہے۔

—

**انسانی حقوق کے تحفظ کے لیے ہماری آواز بنیں!** دنیا کے نمبر ون انسانی حقوق کے نیوز پورٹل **HRNW (Human Rights News Worldwide)** کی حمایت کریں۔ ہماری صحافت کا مقصد مظلوموں کی داد رسی اور انصاف کا حصول ہے۔

**ہماری مالی معاونت اور سپورٹ کے لیے درج ذیل لنک پر کلک کریں:** [https://www.hrnww.com/?page_id=1083](https://www.hrnww.com/?page_id=1083)