کراچی(ایچ آراین ڈبلیو) ڈسٹرکٹ ایسٹ کے علاقے کچی میمن CHS میں پلاٹ نمبر C-4 اور C-5 پر ٹاؤن ہاؤسز کی آڑ میں غیر قانونی تعمیرات اور عوامی جگہ پر قبضے کا انکشاف ہوا ہے۔ ذرائع کے مطابق، نقشہ تبدیل کر کے تعمیرات جاری ہیں اور فٹ پاتھ سمیت عوامی جگہ پر بھی قبضہ کیا جا رہا ہے۔
یہ علاقہ سمیع شیخ کے علاقے کے طور پر جانا جاتا ہے، جہاں یہ سب کچھ آنکھوں کے سامنے ہونے کے باوجود متعلقہ ادارے خاموش تماشائی بنے ہوئے ہیں۔ شہری سوال کر رہے ہیں کہ آیا سرکاری افسران خود اس غیر قانونی کام کے سرپرست ہیں اور شہریوں کے حقوق کی کوئی اہمیت نہیں۔
شہریوں نے مطالبہ کیا ہے کہ:
فوری طور پر تمام متعلقہ ادارے اس معاملے کا نوٹس لیں
نقشہ میں غیر قانونی تبدیلی کرنے والوں کے خلاف کارروائی کی جائے
فٹ پاتھ اور عوامی جگہ فوری طور پر واگزار کرائی جائے
شہریوں نے خبردار کیا ہے کہ اگر آج بھی خاموشی رہی تو کل ہر گلی اسی مافیا کے قبضے میں ہو جائے گی۔
