**کراچی (ایچ آراین ڈبلیو:** حکومتِ سندھ نے 21 رمضان المبارک (11 مارچ) بروز بدھ یومِ علی کرم اللہ وجہہ کی مناسبت سے صوبے بھر میں عام تعطیل کا باضابطہ نوٹیفکیشن جاری کر دیا ہے۔ اس فیصلے کے تحت صوبے کے تمام سرکاری و نجی تعلیمی ادارے، بشمول اسکولز، کالجز اور یونیورسٹیز، اور تمام صوبائی دفاتر بند رہیں گے۔
حکومتی اعلامیے کے مطابق، یہ تعطیل حضرت علیؓ کے یومِ شہادت کے موقع پر منعقد ہونے والے جلوسوں اور مجالس کے دوران سیکیورٹی کے انتظامات اور شہریوں کی مذہبی پروگراموں میں بھرپور شرکت کو یقینی بنانے کے لیے دی گئی ہے۔ محکمہ داخلہ اور متعلقہ اداروں کو ہدایت کی گئی ہے کہ اس روز امن و امان برقرار رکھنے کے لیے خصوصی اقدامات کیے جائیں تاکہ یومِ شہادت عقیدت و احترام سے منایا جا سکے۔
—
**آزاد صحافت کی حمایت کریں:** ہم HRNW میں آپ تک حقائق پہنچانے اور سچائی کو بے نقاب کرنے کے لیے پرعزم ہیں۔ ہماری اس مہم میں ہمارا ساتھ دیں اور معیاری صحافت کے تسلسل کے لیے ہمیں سپورٹ کریں۔ آج ہی وزٹ کریں: [hrnw.com/support-us](https://www.google.com/search?q=https://hrnw.com/support-us)
