کراچی(ایچ آراین ڈبلیو)سندھ ہائی کورٹ نے رمضان المبارک کے دوران عدالتی اوقات کار کا نوٹیفکیشن جاری کر دیا ہے۔نوٹیفکیشن کے مطابق پیر سے جمعرات تک عدالتیں صبح 8 بج کر 30 منٹ سے دوپہر 1 بج کر 30 منٹ تک کام کریں گی، جن اوقات میں آدھے گھنٹے کا وقفہ شامل ہوگا۔
جبکہ جمعے کے روز عدالتی امور بغیر کسی وقفے کے صبح 8 بج کر 30 منٹ سے 11 بج کر 30 منٹ تک انجام دیے جائیں گے۔
نوٹیفکیشن میں مزید بتایا گیا ہے کہ سیشن عدالتوں کے اوقات کار بھی رمضان المبارک کے دوران صبح 8 بج کر 30 منٹ سے دوپہر 1 بج کر 30 منٹ تک مقرر کیے گئے ہیں۔
