اسلام آباد(ایچ آراین ڈبلیو) وزیراعلیٰ خیبرپختونخوا علی امین گنڈاپور نے اڈیالہ جیل میں قید پی ٹی آئی چیئرمین عمران خان سے 2 گھنٹے سے زائد طویل ملاقات کی۔
ذرائع کے مطابق یہ ملاقات جیل کے مخصوص کانفرنس روم میں منعقد ہوئی، جہاں گنڈاپور نے عمران خان سے تفصیلی بات چیت کی۔ ملاقات کے بعد وزیراعلیٰ خیبرپختونخوا جیل سے روانہ ہو گئے۔
اس دوران، اسلام آباد کی ڈسٹرکٹ اینڈ سیشن کورٹس نے علی امین گنڈاپور کے خلاف آڈیو لیک کیس میں جاری ناقابل ضمانت وارنٹ گرفتاری منسوخ کر دیے۔ یہ وارنٹ ان کی غیرحاضری پر جاری کیے گئے تھے، جو ان کے وکیل کے پیش ہونے پر منسوخ ہو گئے۔
یہ واقعہ اس وقت پیش آیا ہے جب پی ٹی آئی قیادت کے درمیان رابطوں اور پارٹی کی حکمت عملی پر تبادلہ خیال جاری ہے۔
