سکھر(ایچ آراین ڈبلیو) سکھرمیں ڈاکو دکان سے ہزاروں روپے لوٹ کر لے گئے ،سی سی ٹی وی فوٹیج منظر عام پر آگئی۔سائٹ ایریا تھانے کی حدود میں گزشتہ روز دو ڈاکو ایک دکان میں گھس آئے اور دکان کے مالک احمد علی جعفری اور ان کے ملازمین کو یرغمال بناکر ہزاروں روپے نقد ودیگر سامان لوٹ کر لے گئے ۔اس واردات کو سی سی ٹی وی کیمرے نے محفوظ کرلیا جس میں ڈاکوؤں کو واردات کرتے ہوئے اور دکان مالک وملازمین کو تشدد کا نشانہ بناتے ہوئے دیکھا جاسکتا ہے ،دکان مالک کے مطابق دو ماہ قبل بھی ان کی دکان میں واردات ہوئی تھی جس کے ملزمان آج تک نہیں پکڑے جاسکے ۔
